【頭條日報】Executive日記——展能藝術天使與港樂同奏《音階起跌》

日期：2015年3月12日
報刊：頭條日報

Kelly每年都會聽香港管弦樂團舉辦嘅籌款音樂會，今年音樂會將於周日舉行，來自唔同界別嘅表演嘉賓將攜手同港樂同台演出，包括樂器演奏同歌唱表演，選曲橫跨古典、百老匯以及流行音樂。其中展能藝術天使李軒將於音樂會中第二度與港樂合作，據知佢將演繹自己創作、並為今次音樂會重新編排嘅歌曲《音階起跌》。

因先天性「視網膜色素病變」，李軒只剩餘不足一成視力，《音階起跌》係佢幾年前就著一個音樂劇創作嘅歌曲，內容係講述一位失明孤兒成長經歷同人生起跌，最終成為出色的音樂家，相當感人。