日期：2016年11月20日
報章：壹週Plus
按此連結至壹週Plus
陳衍泓，40歲，後天失明人士。自小患嚴重濕疹加眼疾，長期服用類固醇，導致青光眼，視力逐漸變差，直至什麼都看不到，卻在漆黑之中，成就了璀璨的生命。男人最痛，他沒有躲於漆黑中；遇上話劇與藝術，與同道中人組成「黑暗劇場」，推動傷健共融，獲選今屆傑青。透過戲劇，重新建構他的世界。
「幸好在未完全失明時，我去咗復康會，學揸手杖、行路、用電腦，原來好易上手。我喺盲人圈度，識到仁仔叔叔，佢介紹我去參加小朋友劇場，由講故事、做主角、玩木偶以至互動，全部一腳踢。喺小朋友隔籬，聽到佢哋笑，我愛上玩劇場。我試過同拍檔講：『小朋友係著藍色衫，因為我感覺到海洋活力，我好似見到小妹妹個樣。』」
「話劇搵到生命，因為有無限嘅可能。三角戀，平凡人都未必試過，我哋最近排緊套音樂劇叫《有種關係叫「暗 戀」》，一班傷健人合作，就係講盲人三角戀。話劇搵到希望，我試過令一個住澳門嘅男仔，由一星期吸毒七次變一次、令精神病病人嘗試接觸陌生人、令正常人走入黑暗體驗盲人生活。表演後，我會覺得自己好似睇番嘢咁，我睇到以前未盲前睇唔到嘅、用錢買唔到嘅價值。如果問我，想唔想睇番嘢？我會答：『我未享受完黑暗。』」