日期：2018年9月25日
媒体：香港01
「初時媽媽一聽到我同佢拍拖係唔開心到喊，覺得我唔識揀，點解要揀個盲嘅。」
李軒與umi結婚一年多，與一般人相若的愛情故事，機緣巧合下相識，因為音樂這共同興趣多了交流，相戀，求婚。但因為他的視障，似乎又會比一般多點阻礙。
李軒出生時確診視網膜色素病變，出生時只有正常人三成視力，視力更會隨年歲變弱，至今只剩下一成視力。他打趣道：「一成視力即係認唔到老婆，如果出街有個差唔多髮型、身型嘅人就會認錯，所以要拖實。」
三年前，他們相識於亞洲協會，一場不足百人的音樂會。「嗰時係表姊邀請我去，我仲記得嗰時我遲咗少少到，同佢（李軒）打招呼時，佢就望住地下同我講『Hello』。」以為是自己的遲到惹他生氣，又猜是音樂人的「古怪脾氣」，最後才知，看似的冷淡源於他看不見。「直到音樂會完咗，去廁所嘅時候，表姐先同我講，佢（李軒）係睇唔到，咁我先知咩事。」在這個廁所前的空地，他們才有機會認真的交流。跟浪漫沾不上邊的地方，造就他們的起點。
說音樂、飲飲食食，本來看音樂會的whatapps群組有4個人，後來變了他們兩人私下對話。「唔知點解，我哋未一齊之前已經講到結咗婚會點。」問他們憑什麼確立關係，在我對面的男士一臉紅又害羞地說是肢體語言，也許當彼此都有心時，言語不過是眾多表達方法的一種；又早就認定的人，似乎不用多說。愛情面前，時間的流動好像可以以倍速走，交往九個月後，他在酒店求婚，至今已結婚一年多。
回想起求婚的甜蜜，那間大得可以散步的房間、那束大得拿不起的紅玫瑰與桔梗；也記起當時的一通電話。「開心、冷靜完之後，收好戒指就諗要打畀爸爸媽媽，因為之前佢哋都唔係太贊成我哋一齊。」由他們交往初期，Umi的家人都不太喜歡他們交往。「都預咗媽媽會唔開心，以為佢話兩句就算，但無諗到佢係唔開心到即場喊，變咗爸爸話我。」無他，為人父母的，都想女兒可以找個會照顧，又愛他們的人，而非一個他們認為是倒轉來的組合。
「佢（Umi）好好，一直好堅持，無因為屋企人而質疑，一直都係諗點樣同我一齊，又可以說服家人，我有信心時間可以證明一切。」
在他們交往的頭半年，雖然與家人關係麻麻，但她從沒想過要放棄。「我同佢一齊係承諾嚟，唔可以因為屋企人唔開心而離棄佢，我就唯有諗，點令屋企人開心同接受。」比起硬來，兩口子決定軟攻，兩人約會時就傳合照給女方的父母，讓他們知道，兩人過得是幸福又快樂；他又主動約兩老看自己的音樂會及有份參演的舞台劇。「無接觸過、無見過，佢哋就只係會知個男仔係睇唔到嘢，一定好難接受。慢慢畀佢哋知多啲，知道我哋一齊係開心。」父母由剛開始收到相片沒反應，到後來會回覆。
現實生活中，她的確要照顧他多點，當他的瞎公竹，提醒他面前的飲品快溢出來。但照顧另一人也可以是種幸福，是他每日會在家唱情歌的時刻，是即使她收工較原定時間晚了；他依然會站在她辦公室樓下等一小時接放工的甜，更彼此需要的溫暖。
那通電話，接通了，是兩老的首肯與祝福。
兩人幸福就夠，但兩人的關係能得到家人的接受就是更加的幸福。