日期：2020年6月18日
媒體：頭條日報
咪以為失明人士便失去影靚相嘅享受，其實喺專業導師引領下，透過對光嘅感知度、聲音、觸覺及各種感官，佢哋都可以影到啲有不一樣感覺嘅相。早前喺尖沙咀佳能客戶服務中心舉辦「非視覺攝影」相片展覽，每幅相片配合粵語口述影像、點字介紹及觸感圖，大家唔單止睇仲可以用手摸、用耳聽去感受視障學員嘅影像世界。展覽相片係嚟自一班失明及視障朋友嘅作品，佢哋早前參加佳能香港支持由香港展能藝術會舉辦嘅「展藝樂群」非視覺攝影工作坊，由導師張正岡帶領，並得到佳能香港提供攝影器材支援及義工幫手，去咗赤柱及流浮山影相，想睇展覽片段瀏覽https://youtu.be/tskktib44gc。