【巴士的報】Ada Samuel靠《中年好聲音》「破鏡重圓」 連詩雅憶單親童年哭紅雙眼

日期:2023年1月10日
媒體:巴士的報

 

合照

按此連結細閱新聞

 

Singa表示:好欣賞佢哋可以擺低仇恨。
《因為愛情》1月10日晚主角是先後殺入無綫熱播綜藝節目《中年好聲音》100強及50強的許兆銘(Samuel)與呂卓欣(Ada),二人當時的「同台」一度引起熱話。

 

根據《中年好聲音》播出內容,Ada當時與Samuel感情帶點疏離,如今齊齊亮相《因為愛情》,著實讓人意外,Ada受訪時亦坦言與Samuel離婚後一度關係惡劣:「曾經好憎佢架真係!」愛笑的Ada邊說邊向著鏡頭扮鬼臉,至於Samuel則回應謂:「憎還憎,但係冇尷尬過吖嘛。」這對「離婚夫妻」再見後相處仍能如此從容,原來全靠音樂成就。

 

由相識、拍拖到結婚都與「音樂」有緣的二人,去年因在《中年好聲音》中意外重逢,當時與前夫鮮有交流的Ada更激動至哭成淚人,之後因為各種原因,二人重新嘗試交流,令已冰封的關係得以向前邁進。

Ada與Samuel當年緣盡是因有第三者介入,Ada受訪時重提當日發現老公有外遇的情景時不無傷感:「我記得我喊住搭巴士返屋企,好似個天冧咗落嚟咁樣。」並坦言離婚對兩名女兒造成一定影響:「細女曾經問『我唔知點解人哋有爸爸,我冇爸爸。』小朋友都有懷疑自己係咪有嘢做得唔好而令爸媽分開。」

 

當年因「第三者」問題令太太心淡離開的Samuel,在鏡頭前亦數度忍淚表達對前妻的愧疚:「我一定有做錯,當初其實冇諗過要離婚。我好多嘢做得唔夠好,始終後生時會睇自己多啲。當初咁愛一個人,同佢一齊係希望每一日都令佢開開心心,但最後我做唔到。」如今難得與Ada「冰釋前嫌」,一對女兒亦喜歡黏著自己,Samuel自然費盡心思修補關係,除了安排烘焙樂親子活動,又巧妙地安排街頭Busking與昔日歌唱拍檔Ada重拾回憶,令Ada再度哭成淚人,並大嘆:「諗番起以前嘅嘢。」

 

對於要在愛情節目中追訪一對已離婚的夫妻,主持連詩雅(Shiga)起初大表震驚兼尷尬,但到了最後Shiga不但對二人大表欣賞,更因想起自身經歷淚崩:「我自己都係過來人,所以都代入咗兩個囡囡嘅心情。Samuel話佢兩個女係佢哋一家人相處開心嘅動力,呢個畫面對於我嚟講好難再可以有。我都好欣賞Samuel同Ada可以擺低佢哋嘅仇恨,為佢哋兩個女去踏前多一步,希望畀番個完整家庭生活佢哋。」

 

而11日晚的主角則是視障鋼琴家李軒及李太Umi,自小因患有視網膜色素病變退化至現今只有一成視力左右的阿軒,當初與健視人士Umi到底是如何開展「感情線」?二人之間的相處與一般情侶及夫妻又會有甚麼分別?令人意外的是,阿軒在家中不但擔當起照顧者的角色,更為了陪伴太太攀石下海大小運動樣樣做齊,當中的熱誠與真摯令人相當動容。想感受更多不一樣的感人愛情個案,密切留意最後一周的《因為愛情》。